جاپونيا بيلىگى التىنشى بۋىندى (6G) ۇيالى بايلانىس جۇيەلەرىن دامىتۋمەن اينالىساتىن كورپوراتسيالارعا 2030 جىلعا دەيىن ەنگىزىلۋى جوسپارلانعان 70 ملرد يەن (قازىرگى باعام بويىنشا شامامەن 652,4 ملن دوللار) كومەك كورسەتۋگە نيەتتى. بۇل تۋرالى Egemen.kz Kyodo اقپارات اگەنتتىگىنە سىلتەمە جاساپ حابارلايدى.
بۇعان دەيىن مينيسترلەر كابينەتى جانىنان جاڭا فورماتتى ەنگىزۋدىڭ كەشەندى ستراتەگياسىن ازىرلەۋگە ارنالعان تەحنيكالىق مامانداردان, جەكە بيزنەس وكىلدەرىنەن جانە ءتيىستى ۆەدومستۆولاردان تۇراتىن ساراپشىلار كەڭەسى قۇرىلدى. "قازىرگى ۋاقىتتا جاپونيا بەسىنشى بۋىن بايلانىس جۇيەسىنە (5G) كوشۋدە. بۇل جاعدايدا ەل 5G قولدانۋ ەرتەرەك باستالعان اقش پەن وڭتۇستىك كورەيادان ارتتا قالدى. جاپونيا بيلىگى ءتيىستى جابدىقتى جاساۋدا قىتايدان ارتتا قالىپ وتىر دەپ الاڭداۋدا", دەيدى Kyodo.
ەندى اگەنتتىك اتاپ وتكەندەي, ەل ۇكىمەتى بيزنەسپەن بىرلەسە وتىرىپ, التىنشى بۋىننىڭ تەزىرەك جانە قاۋىپسىز جۇيەلەرىنە كوشۋدە جەتەكشى بولعىسى كەلەدى.
ولار, اتاپ ايتقاندا, پيلوتسىز كولىكتەردە, قاشىقتان مەديتسينالىق كومەكتى ۇيىمداستىرۋدا كەڭىنەن قولدانىلۋى كەرەك.